Cascina Gobba

_______________________________________________________________________

Altra poesia di Angelo Astori, ad imperituro ricordo del “1° Simposio dei belli spiriti presso la Cascina Gobba” tenutosi il 26 settembre 1985 con i seguenti partecipanti:

Oh! Ma che frecass che gh’è stasera,
quanta gent, quanta alegria;
Oh! Ma che bela cumpagnia.
Ma guarda un po’ in no di furestè
Oh Signur, oh Signur ,
me par propri de cunussi
ma si in propri lur!

Ma l’è el Valsecchi che el stava chi de sura.
Ma quantu temp che l’è andà via
El sé spusa, el gà dùu fioeu ch’el vùten in del laurà.
La fà furtuna in de la vita cunt i salott ed i tendun.
Prima la fa el capital e dopu el capanun

Ma guarda chi se ved, l’è minga una facia nòva
El stava in de la cùrt de là.
Ma si l’è el Sandro ch’el stava chi de cà.
L’è cuntent perché el gà i so dùu fioeu spusà

Ma guarda un pu chi d’alter ghè
Lè propri el Fredo anc lù spusà
Cunt una bela tusa urmai madura de maridàa
L’era un gran giugadur de scupa d’ass,
però i sò puntegg eren sempre bass

Ma ghè chi anca el so’ fradell, el Luciano, anca lù spusà
Cunt una brava miè ed un fioeu grand
Ch’el studia ed un dì el sarà impurtant
Anca lù cume el so fradell dela montagna lè apassiunàa
Però de fung n’han mai truvà

Ma guarda chi ghè chi, l’è lù, l’è un mè amis,
anca se el se nascund dedrè i barbiss
L’è el Gianmario, anca lù spusa
Cunt una brava dona e dùu bei fioeu.
Gran giugadur de tennis e gran lauradur

Oh quanta bela gent che ghè chi stasera,
tùcc amis tra lur,
tùcc bravi, unest e laburius
Ma adess lasemm turnà indrè un cicininn
E ricurdav che mi chi insci vu vist a nass
Vu vist a moev i prim pass
Tacà ai genòcc dela mama e del papà …
V’hu vist giugà in del me curtil …
V’hu vist diventà grand …
V’hu vist innamurà …
E dopu si andà via …
Ugnun per la sua strada
Che mi me auguri la sia stada
tantu ma tantu furtunada

E adess che semm a la fin de la sturièla,
Su no se vi si acort, ma g’hè chi anca l’Angelo
Che la sua vus el m’ha prestà
Però de lu ve disi nient
Perché l’è un caso cumplicà