Lúcia (e non Lucìa) Castiglioni, ex proprietaria del Bar trattoria dell’Ombra in via San Mamete 52, ha compiuta 86 anni. Il 30 aprile 2009, presso la “Sala Dossena” della Chiesa di San Giuseppe, ha radunato gli amici di una vita ed ha festeggiato la ricorrenza in allegria. Tra gli amici non poteva mancare Nico Samele che per l’occasione ha scritto queste righe …

Già, già! Sèmm rivaa a festeggià ón ànn che l’è passaa vìa a óna “Scióra” che l’è stada e l’è ón monumént de vún di nòst rión! E sì l’è pròppi Lee…… la Scióra Lúcia Castiglioni ex padròna de la Trattorìa Ómbra “lég Bocciofila Pónt Vècc de via S. Mamèt” che fà párt de la nòstra comunità del “Bórgh de Crescenzágh”. La scióra la vorsuu Lee fà la fèsta di sò ànn, perché se sà mai… (la dis Lee) e l’ha invidaa j’amis de sémper… che l’hann festeggiada indel Teàter de la Sala Dossena, che fà párt de la Gésa de S. Giusèpp in via Celentano 14. Cári i mè fioeù, sónt minga staa bón de trattegnim a scrív ’na òde a stà dòna straordinària che conóssi de quánd gh’avevi i calzóni córt e inscì hoo ciappaa cárta e pènna e hoo cercaa de trà giò ón ritràtt… de quèll che l’è anmò adèss!

A ONA CRESCENZAGHESA SEMPER IN PISTA

La comica-cabarettista cont el fà “todesch”,
l’è conossuda da i Milanes per el sò cess.
Indel rión e a Radio Meneghina
conossuda come “Catanzaro”
l’era e l’è semper pronta a cuntà sù
di stori de ringhera,
dóve a vegnì foeura de cà
per svóià duu órinari indel cess,
semper in fónd a la ringhera,
l’era domà Lee del “Pont Vegg”
che con bèll fà de dama
la tegniva in sald i dóppi servizi.
Tanti meneghin e trapiantaa,
agradissen la sóa presenza,
perché desmenteghen per ’na quai oretta
“El Berlusca” – “Franceschini”e ‘l ”Di Pietro”
pien pienisc de prepotenza.
La dìs certi robb, che stann
né in ciel né in terra, per esempi,
che i sass de la cava del “Gaggioeu ”
gh’hann fà sù el rión de Crescenzagh!
Gira e rigira, dà via i nótizzi
inscì naturalmet, che fann s’cióppa del rid
anca quei brutt e … senza dent.
La gent che apress de Lee
ghe dann a trà “in diretta,”
el dì adree riden ancamò
per óna sóa storia di temp indree
che la par ‘na barzelletta!
Per piasè, Tì che te seet
ón maestra de vitta … e de legrìa,
piang nò e tira sù ón biccer
pien de barbera o de sangria
inscì nun, vegnuu chì al Dossena
a pee, con l’auto o in metrò,
a Tì … podóm fà j’auguri per ón tò ann
che incoeu … l’è passaa via!

n i c o